سولہ سالہ پڑھا لکھا گدھا

اللہ تعلی نے سورہ الجمہ میں فرمایا کہ گدھے نے کتاب کو اپنے اوپر لاد رکھا ہے اور اس کے لیئے وہ ایک بوجھ کے سوا کچھ نہیں ہے اور وہ یہ صلاحیت نہیں رکھتا کہ ان کتابوں سے فائدہ حاصل کر سکے۔

مطلب واضح ہے! اگر آپ کہتے ہیں کہ آپ نے سولہ سال تعلیم حاصل کی ہے تو آپ کی تخلیقی صلاحیتیں کہاں ہیں؟ جبکہ آپ کا حال یہ ہے کہ آپ نہ کچھ لکھ سکتے ہیں، نہ کچھ پڑھ پاتے ہیں، بنیادی ریاضی آتی نہیں، نہ کچھ تخلیق کر پاتے ہیں، نہ ہی اچھا/تخلیقی سوچ پاتے ہیں، کچھ ایجاد نہیں کر سکتے اور کوئی مسئلہ حل نہیں کر سکتے جبکہ مسئلہ فیثا غورث پڑھ کر اور حل کر کے آرہے ہو!

اس کے بعد ذیادہ خطرناک بات کھی جارہی ہے، کیوں کہ آپ حقیقتا” انسان ہیں اور پھر بھی علم حاصل نہیں کررہے تو اس کا مطلب یہ لیا جارہا ہے کہ آپ اللہ تعلی کی آیات کی تکذیب کررہے ہیں یعنی ان کو جھٹلا رہے ہیں۔ اور اس صورت میں آپ کو ظالم کہا جارہا ہے، یعنی وہ ظالم جس نے اپنے آپ پر ہی ظلم کیا ہو۔

اللہ تعلی آخر میں فرماتا ہے کہ اللہ ظالم قوم کی ہدایت نہیں کرتا ہے۔